وَالْعَادِيَاتِ ضَبْحًا
And olsun (cihad zamanı) tövşüyə-tövşüyə qaçan atlara;
فَالْمُورِيَاتِ قَدْحًا
And olsun (dırnaqları ilə daşdan) qığılcım qoparan atlara;
فَالْمُغِيرَاتِ صُبْحًا
And olsun sübh çağı hücum edən atlara;
فَأَثَرْنَ بِهِ نَقْعًا
And olsun o vaxt (və ya: o yerdə) toz-duman qopardan atlara;
فَوَسَطْنَ بِهِ جَمْعًا
Sonra da onunla (tozanaqla) dəstəyə (düşmən dəstəsinə) təpinən atlara ki,
إِنَّ الْإِنسَانَ لِرَبِّهِ لَكَنُودٌ
İnsan öz Rəbbinə qarşı çox nankordur.
وَإِنَّهُ عَلَىٰ ذَٰلِكَ لَشَهِيدٌ
Və o özü də buna şahiddir.
وَإِنَّهُ لِحُبِّ الْخَيْرِ لَشَدِيدٌ
Həqiqətən, insan var-dövlətə çox hərisdir!
أَفَلَا يَعْلَمُ إِذَا بُعْثِرَ مَا فِي الْقُبُورِ
Məgər o bilmirmi ki, qəbirlərdə olanlar (dirilib) çıxardılacağı;
وَحُصِّلَ مَا فِي الصُّدُورِ
Ürəklərdə olanlar faş ediləcəyi zaman
إِنَّ رَبَّهُم بِهِمْ يَوْمَئِذٍ لَّخَبِيرٌ
Həmin gün Rəbbi onları (özlərinin bütün əməllərindən) xəbərdar edəcəkdir (cəzalarını verəcəkdir)!
More