87. The Most High
1
سَبِّحِ اسْمَ رَبِّكَ الْأَعْلَى
Барча кимчелекләрдән пакь булган Раббыңның исеме илә тәсбихләр әйткел, намаз укыгыл.
2
الَّذِي خَلَقَ فَسَوَّىٰ
Ул – Аллаһ барча вөҗудне халык кылды, һәр нәрсәне кагыйдәгә муафыйк төзеп тәмам итте.
3
وَالَّذِي قَدَّرَ فَهَدَىٰ
Вә Ул һәрнәрсәгә тәкъдир төзеде вә һәрнәрсәне юлга салды.
4
وَالَّذِي أَخْرَجَ الْمَرْعَىٰ
Вә Ул хайваннар өчен үләннәр үстерде.
5
فَجَعَلَهُ غُثَاءً أَحْوَىٰ
Ул үләннәрне көзге көннәрдә кипкән сары кау кылды.
6
سَنُقْرِئُكَ فَلَا تَنسَىٰ
Тиздән укырбыз сиңа Коръән аятьләрен һәм син онытмассың.
7
إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ
Мәгәр Аллаһ теләгәнне генә онытырсың, әлбәттә, Ул яшерен эшләнгән эшләрне дә һәм әшкәрә эшләнгән эшләрне дә беләдер.
8
وَنُيَسِّرُكَ لِلْيُسْرَىٰ
Вә Без сине җиңеллеккә мүйәссәр кылырбыз, ягъни җәннәтнең мәңгелек җиңел тормышына алып бара торган шәригать хөкемнәрен сиңа бирербез.
9
فَذَكِّرْ إِن نَّفَعَتِ الذِّكْرَىٰ
Кешеләрне Коръән белән вәгәзьлә, әгәр аларга вәгазь файда бирә торган булса.
10
سَيَذَّكَّرُ مَن يَخْشَىٰ
Аллаһудан курыккан кеше тиз вәгазьләнер һәм ишеткән белән гамәл кылыр.
11
وَيَتَجَنَّبُهَا الْأَشْقَى
Вә Коръән вәгазеннән качар һич кабул итмәс, бик явыз яман кеше.
12
الَّذِي يَصْلَى النَّارَ الْكُبْرَىٰ
Ул явыз кеше олугъ җәһәннәмгә керер.
13
ثُمَّ لَا يَمُوتُ فِيهَا وَلَا يَحْيَىٰ
Соңра ул җәһәннәмдә үлмәс, үлсә ґәзабтан котылыр иде һәм файда күрә торган тере булу белән тере булмас.
14
قَدْ أَفْلَحَ مَن تَزَكَّىٰ
Мөшриклектән вә монафикълыктан, рия вә бидеґәт гамәлләрдән, фәхеш вә хәрам эшләрдән үзен пакьләгән һәм сакланган кеше, тәхкыйк ґәзабтан котылып өстенлек тапты.
15
وَذَكَرَ اسْمَ رَبِّهِ فَصَلَّىٰ
Вә ул кеше Раббысын зекер итеп намаз укыды.
16
بَلْ تُؤْثِرُونَ الْحَيَاةَ الدُّنْيَا
Ий кешеләр бәлки сез дөнья тереклеген ихтыяр кыласыз, барча көчегезне дөнья өчен генә сарыф итәсез.
17
وَالْآخِرَةُ خَيْرٌ وَأَبْقَىٰ
Бит ахирәт дөньядан яхшырактыр һәм мәңгелектер.
18
إِنَّ هَٰذَا لَفِي الصُّحُفِ الْأُولَىٰ
Тәхкыйк бу сүзләр әүвәлге пәйгамбәрләрнең сәхифәләрендә зекер ителгәндер.
19
صُحُفِ إِبْرَاهِيمَ وَمُوسَىٰ
Ул сәхифәләр Ибраһим вә Муса г-м сәхифәләредер.
More